 |
|
|
|
خطوات حتى لا يخترق بريدك !
السلام عليكمhttp://download.live.com/?sku=messenger
راح اعطيكم موضوع هالايام زايد يشكل ملحوظ
وكل اللي راح اكتبه من اسباب . انا جربتها وضبطت معاي 100% عشان كذا حبيت انوه عنها عشان تاذخو حذركم
واذا فيه شي غلطت او نسيت .. ارجو العذر
بسم الله نبدا
كثرت بالفتره الاخيره سرقت الايميلات
وخاصة ايميلات شركة مايكروسوفت
مثل
hotmail.com
windowslive.com
live.com
9.cn
w.cn
mail.net.sa
والاسباب كثيره اللي ادت للاختراق
اشهرها واسهلها ثغره في خدمة الدعم والمساعده لشركة مايكروسوفت ...
وبعد كذا تجي سكربتات المسنجر بلس
وبعدين مواقع اللي يقولك انها تكشف اللي عاملك بلك اوديليت
وبعدها الروابط اللي تجيك بالايميل او المرفقات من اشخاص ماتعرفهم وضغطتها او حملتها
وبعض الاسباب الاخرى
راح اذكرلكم الحين التفصيل لك طريقه وكيف يتم الاختراق
وكيف تحمي نفسك من كل طريقه
نجي للسبب الاول
ثغره في الدعم لشركة مايكروسوفت ..
همممم ماراح اقول كيف تتم هالطريقه لان الجهل فيها افضل حتى لايستغلها البعض
لكن راح اقولكم كيف تحمون انفسكم من اختراقكم عن طريق هالثغره
في الطريقه هذي الهكر لازم يحصل على رقم الآي بي الخاص فيكم ويقدر ياخذه لما ترد على ايميله
وممكن يحصل عليه حتى لو مارديت بمجرد فتح الرساله عن طريق بعض المواقع >> اغلبها كشفتها الهوت ميل وقفلتها
عموما حتى مايحصل علي الآي بي اذا جاتك رساله ماتعرفها وتبغى ترد عليها
خذ الايميل حق المرسل وروح لايميل قوقل وارسل منه رساله انك صاحب الايميل الفلاني وحصلت على ايميلك بخصوص بلا بلا ورد عليه ورسلها
لان ايميل قوقل صعب احد يعرف رقم الآي بي من الرساله
غير كذا بالطريقه هذي لازم يحصل الهكر على الاقل ايميلين من الايميلات المضافه عندكم
عشان كذا
اذا بترسل رساله ضع ايميلات الناس اللي بترسل لهم في الوضع الخفي ولاتضيف احد الا بعد ماتتأكد انه يعرفك
لوضع الايميلات بالوضع الخفي
افتح رساله جديده واتبع الصوره
======================================
السبب الثاني
سكربتات المسنجر بلس
في الطريقه هذي يعطيك المخترق سكربت عن طريق المسنجر خاص بالضحيه اللي هو انت
عادتا يسوي هالسكربت اشارات تنبيه متكرره او غيره ممكن يكون اي سكربت
مايهم لكن الطريقه هذي يعتمد فيها الهكر انه يعطيك سكربت ولما تنصبه وتشغله
يشغل السكربت ملف صغير تجسس في جهازك
والمخترق يكون عنده سكربت خاص فيه يوجد فيه اوامر يكتبها لما يكلمك بالمسنجر
الاوامر هذي انت ماتشوفها في نافذة المحادثه ومن هالاوامر ممكن يحصل على الباسوورد
طبعا مايحصل على الباسوورد الا اذا كنت حاط تذكر الباسوورد في مسنجرك
لكن كمان في هالاوامر ممكن يحصل على صورة لسطح المكتب والكوكيز ولبرامج الشغاله بجهازك وكثير
تقدر تعرف انك مخترق بالسكربت هذا عن طريقة وجود نقط كل شوي تزيد في الرساله الشخصيه
وكل ماتحذفها ترجع وتكثر
شوف الصوره
وتقدر تحمي نفسك
عن طريق عدك استقبال اي سكربت من اي شخص بالمسنجر حتى لو صديق وتعرفه زين
خذها من موقعها الرسمي
واذا اكتشفت انك مخترق بالطريقه هذي روح واحذف السكربتات كلها اللي عندك ونزلها من موقعها الرسمي
============================
السبب الثالث
مواقع او برامج اللي يقولك انها تكشف اللي مسويلك بلك اوديليت او تفتح كاميرا المسنجر
كثرت المواقع بشكل اعم اللي تجيك كرسايل ايميل تقولك تقدر تعرف اللي مسويلك بلك او ديليت
وموقع يكشفلك اللي مسويلك بلك او ديليت او يفتح الكاميرا حقت صديقك
وبلا بلا بلا
وكثرت هالمواقع بشكل ملحوظ
كلها وسيله سهله للاختراق .. واغلبها مسوينا ناس عشان يخترقون بس
عشان كذا لاتستخدمها ابدا
وكمان في برامج نزلت ومشهوره فيه ميزة معرفة اللي مسوين بلك
اشهرها Messenger Discovery Live
اللي اعتبرته بعض المواقع انه برنامج تجسس
بشكل عام اقولك لاتستخدم اي موقع او برنامج يقولك انه يشكف لك اللي مسوي لك بلك او ديليت اويفتح الكام ابدا
اذا استخدمتها قبل كذا .. روح وغير باسوردك الان ..
=================================
السبب الرابع
الروابط اللي تجيك بالايميل او المرفقات من اشخاص ماتعرفهم وضغطتها او حملتها
كثير تجيك رساله بالايميل او حتى المسنجر فيها رابط لموقع ما
وانت بريء تضغط عليه بنفس الرساله او بنفس المحادثه
او تجيك رساله فيها مرفقات من انسان ماتعرفه وموضوعها مثير
وفضولك يخليك تحملها وبعدين يبدا التجسس
طيب عشان تحمي نفسك
اذا وصلك ايميل من شخص ماتعرفه يقولك حمل هالمرفقات او اضغط على اللنك
على طول اعمل ديليت للرساله بدون ماتضغط على المرفقات او حتى اللنك
واذا وصلك هالايميل من شخص تعرفه
اول شي لاتضغط على اللنك في الايميل اقصد في نفس الرساله ابدا
سويله نسخ وروح افتح نافذه جديده بالمتصفح وبعدين اعمل لصق وشوف اللنك
شوف الصورة
=========================
السبب الخامس
استخدام بعض البرامج مثل
برامج اللي يقولك انها تهكر باسورد الهوت ميل وتطلب منك كتابة الباسورد حقك -
مثل
او استخدام برنامج المسنجر المعروف اللي كلنا نستخدمها عن طريق شخص ارسله لك
في طريقه الحين اقدر ارسلك برنامج المسنجر المعروف (شكليا فقط) يعني معمول لغرض السرقه
وكل شي يمشي تمام معاك
لحد ماتكتب باسوردك وتسجل دخول
راح تجيك رساله خطأ وتجيني رساله ايميل انك سجلت وبياناتك كلها عندي من ضمنها الباسوورد
عشان كذا استخدم فقط برنامج المسنجر ونزله عن طريق موقعهم الرسمي
لاتنزله من اي موقع او تاخذه من اي شخص
هذا هو الموقع
===========================================
السبب السادس لاختراق ايميلك
استخدام مواقع الصيد بالخدعه
الفيشنق
Phishing
هالطريقه يخدعك الهكر بارساله موقع يشبه تماما موقع الهوت ميل
يقولك سجل فيه راح يكشفلك مثلا كام صديقك او اي شي آخر
وعندما تفتحه تلاحظ انه نفس موقع الهوت ميل وماراح تشك وتسجل
ولما تسجل يرسل بياناتك للهكر
مثال
شوفو هذا الموقع لقيته في بعض المنتديات العربيه يقولك موقع يفتح الكام
شوفوه ولاحظو ان التصميم نفس موقع الهوت ميل تماما
بس لاحظو اسم الموقع
مكان حرف اللام وضع حرف التاء
حتى يظلل الضحيه
وغير كذا الامتداد سي او وبعدين سي سي يدل هالشي انه موقع مجاني
مشهوره هالطريقه
عشان كذا قلتلك بالنصايح السريعه تحت لاتكتبو باسوردك في اي موقع ابدا ماعدا المسنجر وموقع الهوتميل الاصلي
نصائح اخيره وسريعه
- باسورد ايميلك لا تكتبه ابدا ابدا ابدا في اي مكان ماعدا .. المسنجر .. وموقع الهوت ميل الرسمي
www.hotmail.com
ودائما تأكد من الاحرف حقت موقع الهوت ميل عشان ماتصير ضحيه للمثال اللي قلتلك عنه فوق
بعض الناس تكتب نفس باسورد الايميل في التسجيل في المنتديات وهذي مشكله كبيره .
لان اصحاب المنتديات يقدرو يشوفو الباسوورد .. والنفس آمارة بالسوؤ .. الا من رحم ربي
.
- لاتضغط على تذكر الباسوورد في المسنجر او في موقع الهوت ميل فقط للاحتياط ليس الا
- اعمل باسوورد قوي وطويل يتكون من احرف كبيره وصغيره ورموز
- بخصوص السؤال السري والجواب السري .. اختار الجواب السري بشكل بعيد عن صيغة السؤال
يعني مثال .. اختار السؤال ( افضل صديق طفولة) والجواب ( شجرة التفاح)
- لاتقبل اضافه بالمسنجر لشخص ماتعرفه .. اذا شكيت بايميل اللي مسويلك اضافه .. مثلا شكيت انه صديقك
اول شي اكتب الايميل وبعدين اضغط الغاء امر .. وروح ارسل له رساله بايميل قوقل وقوله انك انت اضفتني
على ايميلي وبس بعرف من انت ؟ ... اذا عرفته ارجع واقبل الاضافه .. اذا شكيت فيه ارجع وسويله منع .
لو سويت وعملت باللي قلتلك عنه
ماراح اكبر هكر يخترق ايميلك استثني طبعا اللي يخترقون سيرفر الهوت ميل
وهؤلاء الهكرز عادتا مايهتمون باختراق الايميلات
يعني اعمل بالنصائح اللي قلتلك عنها وصدقني انت في امان
|
جميع الآراء والمشاركات والرسائل والردود المنشوره تمثل وجهة نظر كاتبها فقط ، ولا تمثل بأي حال من الأحوال وجهة نظر المجموعة وإدارتها |
|
|
