 |
|
|
|
غرفة نو م خالد قبل وبعد التعديل
روحـــ تحـبك ـــي
)
اول مره أتجرأ وافكر اسوي موضوع 
حتى ان بعض الصور الي بتشوفونها كنت بنزلها من ضمن صور بموضوعي الجديد
يعني ماكنت ناوي اسويه موضوع وانزله عندكم لني حاس انه عادي أولأني ولد
بس جتني بعض الطلبات والشرهات إني أنزل الموضوع عندكم
الموضوع من بدايته ماكان ع البال اني أغير شي بالغرفه لأن مخططين بعد الصيف ان شاء الله
يكون في ترميم كامل للبيت من الداخل .. ومع العطاله الي مسببه لي وقت فراغ كبير جتني فكره
إني أغير وأعدل غرفتي بشي بسيط وغير مكلف 
وإذا غيرنا
وماجازت لي راح تتغير بشي احلى بعد الصيف .. لن كل شي سويته بالغرفه بيدي ومن افكاري
دورت لكم صور للغرفه قبل بالقوه لقيت هذي 
نبدأ الحين بحوستي فيها
بدايه الموضوع طلعت كل شي وسحبت الدولاب والسرير بنص الغرفه والتي في معهم
ماقويت اخرجهم 
جبت أغراض البويه سطل بويه أخضر فاتح وسطل بويه اسود وسطل بويه بيج خفيف
اخترت الالوان عشوائيه اللون الأخضر احبه والاسود حبيت ادخله بالغرفه لنه يعطي فخامه
وشطرطون ( لزق ) وباقي الشله << ماعرفت إسمها
ملاحظه : البويه يسمونها بوية بلاستك ميزتها مالها ريحه وتنشف خلال 3 ساعات
كل الي تشوفونه بالصوره ماخذها بـ ( 200 ريال )
اللون الاخضر ( 50 ريال ) اللون البيج ( 50 ريال ) اللون الاسود ( 60 ريال )
وباقي الاشياء ( 40 ريال )
محروستكم الست لمار وقفة معي وقفه ما انساها وساعدتني طول اليوم 
الصورة دعايه بس ولا وقفتها معي بالسواليف وسعة الصدر
بدايتها جلست العب ويوم حسيت اني توهقت اشتغلت صح
التي في شغال دامنا نشتغل بالجدار البعيد .. طبعا كانت الفكره جدارين باللون الاخضر الفاتح
وجدارين اسوي فيهم خطوط طوليه بالألوان الثلاثه .. اخضر وبيج واسود
كل سطل تضيف عليه علبة مويه ( ابو نص ريال )
بكل جدار بصمه
خلصنا منه وانتهى الدلع والحين بدأ الجد
سويت نفسي مثل المعلمين وشلت الدريشه ونسيت اغطيها
والناموس دخل وبهذلني بعدين سكرنا عليه 
يحلفون اني ماخذت جرايد الاسبوع الي راح كله خخخ
بدينا بالجد
بدايتها كانت فله وسعه صدر بعد ماخلصت الجدارين الي باللون الاخضر
بديت بالجدارين الباقيه والي عليها الكلام والتعب
مع الوقت بدأت اللخبطه والبويه لماتخرب وتخش من تحت اللزق 
خاصه اللون الاسود لنه ثقيل 
وصرت اشتغل بالفرشه الصغيره لما يصر لي مشكله
واللزق مافكه الا لما ينشف العمود بعدين اضرب العمود الي جنبه
مدري عاد بتفهموا شلون كنت اشتغل الخطوط كانت عشوائيه وحاولت اني ما أكثر اللون الاسود وعطيه عمود كبير عشان لايكثر ويصير كئيب
نلعب
بدينا باللون القلق الاسود تعبني مره بصراحه .. راح تشوفونه بالاخير لما اكتمل الجدار
شوفوا كيف كئيب 
خلصت الجدار الأول ويوم جيت للجدار الثاني وانا ماعاد فيني حيل 
فكرت وجت ببالي فكره اسهل وأحلى وقلت مادام الجدار هذا فيه بيكون التي في + ان فيه جهة الباب
مايحتاج اسويه مثل الي مقابله وفكرته اسوي من اليمين 3 أعمده طالعه من تحت
ومن اليسار 3 أعمده نازله من فوق
كذا بس لسى ماكملت راح تشوفون وش سويت
هذا الجدار الأول بعد ما اكتمل وحطيت السرير ورجعت الدولاب
وهذا الجدار الي فكرته جت بالوقت الضائع بس ماطلع خساره هنا بعد ما اكتمل
كذا تقريباً خلصنا وكل شي بالنسبه للبويه طبعاً في شي مدري إنتبهتوا له ولا لا
الدولاب والسرير كان فيهم لون اخضر غامق 
ضربته بويه سودا
والي عليه التي في بعد ضربته بويه ( كان رفوف للكتب ) ولونه بيج نفس لون الدولاب
طبعاً شريت فرشه للأرضيه( 250 ريال ) وإضاءات من ايكيا ( 130 ريال )
2 بالسقف ووحده قاعده بالارض ولوحات لزوم الاعمده الي سويتها ( 100 ريال )
والستاره الي للحين مو مقتنع فيها كلفني العازل ( 100 ريال )
والستاره الخيوط ( 60 ريال )
هذي نهاية شغلي بغرفتي والشغل أخذ من وقتي يوم واحد بس
حتى شوفوا اللوحه الي جنب المكيف طبعت إيدي بالبويه الخضرا والاسود على لوحة قماش
وحتى الجره ضربناها بويه لو مامسكوني اهلي ضربت نفسي بويه
وكل الي كلفني بتعديل الغرفه ( 850 ريال فقط ) + شغل إيدي
ما أخفي عليكم يمكن ماتميزت ببعض التفاصيل الي تكون لازم متوفره بغرفه النوم
بس إنتوا عارفين ألزم ماعلى الولد فراشه وراحته 
والغرفه صغيره !!
والي سويته مجرد تغيير جو وتضييع وقت وبنفس الوقت توفير فلوس
وحبيت يكون كل شي بيدي وبتفكيري << ذليتهم بذا الشي
ماشاء الله تبارك الله يا الله ياشباب الهمه وضفوا خلاقينكم مانبيكم تكومونها وتعالوا يابنات شيلوها
هذا اللي نبيه ,,والبويات والتعديل شي راجع لكم ..فديييتكم
|
جميع الآراء والمشاركات والرسائل والردود المنشوره تمثل وجهة نظر كاتبها فقط ، ولا تمثل بأي حال من الأحوال وجهة نظر المجموعة وإدارتها |
|
|
عزوز
دلع بنتوته
يعطيك العافيه على الطرح المميز والرائع14/10/2011 (12:46 PM)
مـــــــــــــــيـــــــــــــــــمـــــــــــــــــي
وافكاررررررررررر حلووووووووووووووه6/4/2011 (06:47 PM)
جيآدآ
روعهـ مآشآءاللهـ
جآري صرقهـ بعض الأفكـآر
^_^14/3/2011 (02:59 PM)
بدوره
Yas
Rbi Y36eek alf alf 3afiah
afkark mrrrrrrrh 56eeerah 20/9/2010 (03:39 AM)
وصيف الحب
عشقي الخيــل الأسود
ودي تجيني لا كنت متضايقه تسولف علي تونسني ،،،
لا حتجتها بقولك ترسلها لي هههه
الله يحفظها ويحميها من كل شر ،،،،
12/6/2010 (11:18 PM)
عشقي الخيــل الأسود
ذووووق راقي في اختيار الألوان ،، واعجبتني فكرة الخطوط ،،،،
ماشاء الله تبارك الرحمن ،،عندك موهبه استغلها ونمها ،،،،
غلبتونا بذوقكم يالشباب ،، علبالي بس حنا يالبنات الذوق ......... الله يحفظك 12/6/2010 (11:12 PM)
سعوود
ذووووووووووووووووووووووووووووووووووق11/6/2010 (11:06 AM)
سوالف ليل
صالح الوايلي .. إحسـآس دـآشر
واااااااااااو
aziz
عقبال ما تفضى لبيتكم كله :)
سلمت الايادي :)8/6/2010 (03:12 PM)
ملحوسه
ذوقك راقي
ابسأل كيف ضبطت الخطوط بشكل مستقيم وبدون أي تعرج ؟
لأنها ضابطه معك ماشاء الله8/6/2010 (02:54 PM)
زايدية
هلالي صميم ...
وجوناااان ماشاء الله عليك
تتهنى فيها انشاء الله 8/6/2010 (02:39 PM)
قلب العقرب
وش تبيني اقول مبدع؟؟ذوق؟؟؟فنان؟؟
مدري وش اقول صراحه.. لكن....
انت مبدععععع8/6/2010 (01:53 PM)
SAUDI STAR
وكلللللللك ذؤؤؤؤؤؤؤؤؤؤؤؤؤؤق
8/6/2010 (11:35 AM)
لك مستقبل يابطل
ثانيا فعلا تصاميم الغرفة من ناحية الشكل بالاوان غير طبيعي والله العضيم ولا مهندس
انا جايب لي بغرفتي حق بويات مهندس كلفني 7000 بس الشغلة فيها معجووون
بس وربي انك مبدع8/6/2010 (10:32 AM)
الله يهنيك فيهاا
ماشااء الله تبارك الله8/6/2010 (08:46 AM)
نوره
تتهنى فيها 8/6/2010 (08:05 AM)
عمانـ ..
اولا ع اللي سويته وثانيا ع ذوقك الحلوو << ماخذه فكره (كل الشباب ذوقهم ردي) ^^
لو ما حاط الصور والخطوات ما كنت بصدق ان انته اللي سويته :p
ما شاء الله عليييك دام قدرت تغيرها بروحك
ونومه هنيّه ^^8/6/2010 (05:22 AM)
محووس
بدايه موفقه الموضوع رائع واروع من رائع والعمل اروع واروع ماشا الله عليك الله يهنيك بيها الايميل جاء في وقته لأنني حايس في غرفتي ابي اغير الهرجه ومحتار من فين اجيب دهان هع هع وقعتلي من السماء هاااه كيف بكم تدهن غرفتي عمل يد وفكرة الدهان والالوان بس واللوازم عليء هههههههههههه8/6/2010 (05:01 AM)
هاع
والله كفوووووو هذا اللي يعرف يشغل وقت فراغه P:
Cyaa8/6/2010 (04:51 AM)
السراااااااااااااااب
ابدااااااااااااااااااااااااااااااع روووووووووووووووعه يعطيك العافيه تنسيق رائع
وتتهنى يااااااارب فيها
8/6/2010 (04:44 AM)