|
|
HTML clipboard

تركيب شفتيك :
الشفايف هي عبارة عن عضلتين
هالعضلتين تستخدمينها للتكلم ولحفظ الاكل
يغطي هالعضلتين طبقة من الجلد
لشي اللي أبغاك تعرفينه أن الشفايف مو مثل باقي الجلد
لييش طييب ؟
لأن مافيها غدد دهنية
يعني بسرعة تجف وبسرعة تتقشر
ومن نعمة الله علينا ان جلدنا فيه غدد دهنية
عشان كذا الشفايف أكثر حاجة للترطيب من باقي جلد الجسم
صحة شفتيك :
التقشر هو أكثر شي يصيب الشفايف ويشوه منظرها
اسباب التشقق الشفايف كثيييره ..!!
اول سبب نقص فيتامين ( ب )
الفيتامين ب نعوض نقصه عن طريق أكل الحبوب بأنواعها
وأكل الخضروات الخضراء الداكنة
ثاني سبب اللي هو فقر الدم ( الانيميا )
ونعوض عنه عن طريق أكل أي شي يحتوي على الحديد
لأن الحديد هو أفضل سلاح لمقاومة فقر الدم
ثالث سبب اللي هو مرض السكري
لذلك مرضى السكري لازم يحرصون أن نسبة السكري ماترتفع عندهم أو تنخفض بنسبة أكبر من الطبيعية
طيب وش دخل السكري بالشفايف ؟
يقولك أن مادة السكر بالدم ( اللي هي الجلوكوز )
إذا كثرت أكثر من المطلوب
تكون نوع من الفطريات على الفم


{1}
أول شي ، وهو طبعا شي مهم
قبل ماتحطين الميك أب
شيلي الشعر الموجود بين شفايفك وخشمك
لأنه يعطي منظر " الظل " فوق شفايفك ويخلي شكلها مو حلو
تقدرين تشيلينها بالشمع الساخن أو البارد
أو ممكن تشيلينها بآلة مخصصة لـ شعر الوجه
بس شي مهم تشيلينه إذا كنتي رايحة عزيمة أو مكان تسلط عليك الاضواء
صدقيني شكل شفايفك بيصير أحلى بكثير .. 


{2}
قبل ماتحطين الروج ، خذي قطعة منديل أو قطنة
وأغمسيها بكريمك المرطب المفضل عندك
وأدعكي فيها شفايفك بدون ماتضغطين عليها بقوة
وبعدين لما تحسين أن شفايفك ترطبت
أمسحي الكريم لأننا راح نبدا بالميك أب حقنا
{3}
حطي شوي كونسيلر على شفايفك عشان يوحد لونها
وبعدها مرري الفاونديشن عليها ،
والافضل توزعين الفاونديشن بالفرشاة عشان يتوزع على شفايفك صح
ولآتنسين استعملي الكونسيلر بطريقة صحيحة

{4}
القلم المحدد
عن نفسي آكرهه ومستحييييل احبه
بس ماأنكر أنه من جد يحدد شكل شفايفك ويخليها أحلى
لما تحطين المحدد لا تحددين كل شفايفك
حددي مجرد منطقة الوسط بالشفتين العليا والسفلى
واطراف فمك خليها حرة لا ترسمينها
شوفي الصورة كيف محددة الوسط فقط

{5}
جا دور الروج
أفضل شي تحطينه من فرشة الشفايف الخاصة
لأن أصبع الروج راح يسوي تكتل على شفايفك ويبين تشققاتها

{6}
جيبي قطنة أو منديل
وأمسحي أي شي زايد ورتبي شكل الروج
واذا كنتي مكثرة من الروج خففيه شوي
اذا حسيتي لون الروج مو مناسب دخلي عليه لون ثاني
واختاري اللون الأنسب وخليك حذرة لا تسوين حفلة على شفايفك
ممكن تحطين شوي قلوس عشان يعطي لمعة
المهم لما يترتب روجك جيبي منديل و سكري فمك عليه
وبعدين طلعي المنديل
لأنك لو ماسويتي هالحركة
الروج راح ينزل على اسنانك ويخلي ابتسامتك مو حلوة
|
جميع الآراء والمشاركات والرسائل والردود المنشوره تمثل وجهة نظر كاتبها فقط ، ولا تمثل بأي حال من الأحوال وجهة نظر المجموعة وإدارتها |
|
|
جميع الحقوق محفوظة لموقع مجموعة ملاحيس البريدية - Mala7eees Group


noura
لك ودي 12/7/2010 (03:06 AM)
نجد