HTML clipboard

السلام عليكم ، ورحمه الله وبركـاته

يسعد الله مساكم / يسعد صبآحكم< الي بيقرون المسج الصبح

{ الي فاضي ويبي يقرى يقرى ، والي مشغول يفضى ويجي يقرى }

كل واحد فينا له ذكريات طفوله سواء حلوه او شينه < لو حلوه رقمها هههه 

المهم يالغالين ..

انا انسان حينما اغمض عيناي الخضروتان .. احاول اتذكر طفولتي

ما اتذكر الا شقاوه من اولها لاخرها { مع براءه طفوله } 

طبعا استذكر لكم الاسباب الي ادت لهذا الماضي الحزين :

1- وجود ابناء اعمامي والي كانو عددهم فوق 15 { في ذلك الوقت }

2- وجودنا ببيتوت جنب بعض

3- ما كان عندنا برستيج يعني مؤدبين من العصر لين العشاء وحنا مناقز 

/

طبعـا احد اهم اطراف الاحداث والي راح ينذكر عبدالله ولد عمي  انا اكبر منه بـ6 شهور < من قده الكبير

راح اذكر لكم احد المواقف ، واسترو بس

موقع الحدث : محافظه الزلفـي { وتقع في منطقه الرياض }

في عيد الفطر عام 1423 او 24 ،

عنوان القصه : حب + اختطاف !

طبعا تعرفون بعيد الفطر لازم كل واحد فينا يشتري صواريخ والي يشتري من سوق الحمام ويجي يبيع

عمي كان مشتري صواريخ بس للاسف راح الرياض

وانا وولد عمي عبدالله استلمنا مهمه البيع < تجار من صغرتنا

فـ كان معنا السيآكل .. وكنا ندور على الحاره ونطق بيوتهم

عندنا صواريخ ، الي بيشتري ولا لا

طبعآ كان واحد مسئول عن البيع والثاني عن تجميع الفلوس < قسم كنا نسرق منهن ونرجع لعمي خسرانين هههه

الوكاد

رحنا لآستراحه ، وليتنا مممممممممممما رحنآ

انا كنت عند السيكل اطلع الصواريخ

قام طق عليهم الجرس وقآل حنا اعيال { ....... } عندنا صواريخ تشترون !

قالو ايه

واشترو المهم ..

فتحت بنت البآب ومدت الفلوس لولد عمـي !

{ هنآ لا قآلو حب من اول نظـره }

جاني وكان ما ينطق الا بكلمه / شفتهــــــــــــا ؟؟

قلت منهي ؟

قال الي عطتني الفلوس

حلوةةةةةةةةةةةةةةةةةةةةةةةةةةةةةةةةةةةة

قلت لا !

طبعا براءتي الطفوليه المفعمه !

قلت يالله بس خل نروح ندور غيرهم يشترون

قآل : لا ما ابببببببببي !

قلت يا ولد اخلص بس

رحنا عاد البيت وطول الليل وهو يفكر

ويبثرني لابسه فستان ابيض وبشرتها بيضاء وشعرها اسود !!

محمد احبها ؟ محمد خل نروح نبيع لهم ثانيه

عاد قلت له ياخي من زينها ؟

قاااااااااااااااال : تدري اني لمست اصابعها يوم مدت الفلوس ؟

قلت انا : أمممممممممما << طبعآ قمه الوصاخه عندناا ههههههههههه { لا تصدقون }

قلت يا ولد تعوذ من ابليس وخل ننام

قلت ياخي ما يبون

على المغرب من بوكرا : جاني قال لقيت فكره

قلت وشو !

قال نروح نقول لهم جبنا صواريخ جديده ونبيع لهم حقاتنا << ضحا بصواريخنا  

قلت طيب < مشكلتنا نظام قدام لا يردك شي

رحنا لهم

وطقينا الجرس : قال حنا اعيال فلان جبنا صواريخ جديده تبون

قالو ايه بنرسل الولد معكم يشوفهن < برطم ولد عمي وقتها

جاء ولدهم : عمره يمكن 12 سنه

ودخل الملحق .. قام ولد عمي وقفل عليه البآب

قلت ليه ؟؟؟

قال اسمع خل نخطفه زي الافلام ، همين بتجي البنت واقول عشان اطلعه تزوجيني

ههههههههههههههههههههههههههههه

يوم قالها : وانا الي اكرها ضحك احسبه يمزح !

اثاريه صادق الملعون !!

قلت : لاااا ترى تضربنا جدتي < كلن على همه سرى :(

قال محمد والله ما بيضروبنا نعطهم ولدهم وهي تتزوجني

قلت طيب !

شوي الولد جاء بيفتح الباب ويلقاه مقفل ويبدى يصيح < هنا جاتني ام الركب من الخوف

قلت افتح

قال لا ياغبي بالافلام يصيحون كلهم

واجلس احاول فيه وهو رافض يفتح

شوي قلت اسمع خل بدخل عنده الهيه شوي عشان ما يصيح

قال طيب

هو عطاني المفتاح بس !!

الا فتحت البآب وطلع الولد عيونه حمر من الصياح

قلت ليه : وش فيك قفلت على نفسك : ( < يحطها بالولد

قال ما ادري الباب عيا يفتح

وقتها من برائتي خميته ! هههههههههههه ليه ما ادري

بس كان ودي اصيح معه

{ ملاحظه ولد عمي ما كلمني بعدها 4 ايام عشان فتحت البآب }

طبعآ / ولد عمي حاول يروح للبيت بس كانت ذيك اول نظره لها واخر نظره

وكتب فيها ابيـات { مع ان الشعر بالشمال وهو بالجنوب }

واستئذنته اكتبها لكم

قال فيهـا /

في طفوله ولعب وهبـال لمحتها / ملاك ماهي من الناس يا ناس

زليت وفز قلبــــــي من لمستها / والعقل من يومها فارق الراس

ياصاحبي ويل حالي من نظرتها / نظره صابتي كما ضربه الفاس

ما قدرت اغض النظر او اتجاهلها / نظره بعدت عن عيني النعاس

تملكتني وامسكتني وحكمتني بشوفتها / من اعلى راسي لنهايه السآس

~

طبعا ما زال يتذكرها ليومنا هذا ..

واستذكر موقف .. ما توقعته واللــه ..

بعد الحادثه بـ 4 سنوات يمكن  توفت أمه الله يرحمها ..

فـ جلس يومين ما ياكل ولا شي ، مغير يحرق دخـان ،

جبت الغداء وقلت كل ، قآل ما ابي

قلت غمض عيونك !

قال ليش

قلت غمض بس !!

غمض .. وقلت تخيل اني لابس فستآن أبيض وبشرتي بيضآءء مررره

وشعري على وجهي وجيت اوكلك بتآكل !

ضحـك بقوه !!

والغريب : أنه قآم وجلس يتغدى هههههههههههه

..

هنا خلصت احد الاحداث ، وما زال الكثير من الذكريات

من هجوله ل مضاربات ل تحديآت ..

بآذن الله لها ذكر في مسجات اخرى ..

لكم تحيــاتي