 |
|
|
|
كل المواعيد .. وهم :(
غمضت انا عيوني ... لجل ما اسمعك
4 FuNnNy
السادهـ ../ هو المليونير
صبح صبح ياعم الحج
وازيكوو ياقدعان
واشتئنالكون
<ماتشتئنالك وحش
وصدق الشاعريوم قال
وظلم ذوي القربى اشد مزازتن << هذي نهاية التدريس المصري
كل شي الواحد ممكن يتحمله الاانه يجي واحد من لحمك ودمك ويكرفك ليل ونهار
والسالفه هواجيس بهواجيس !!
انا ليش اطولها عليكم وهي قصيره ؟؟
السالفه ومافيها " خالتكم منيره " .. ماي مذر .. زوجة بابا .. ام اخواني ..
التي ارضعتني من حليب نيدووو منذ نعومة اظافري لين قبل شوي
عندها مشكله في حياتها اسمها " دكتور عالجني اذا عندك علاج .. عاشوا عاشوا " <<< بدا تاثير الزواجات
بالضبط هذي هي المشكله .. عاشقة المستشفيات .. امبراطورة الصيدليات .. كونتيسة العيادات الخارجيه ..
لايمكن يمر يوم ..من غير ماتروح مستشفى ..
ماترتاح الا كرت المواعيد تحت مخدة سريرها قبل تنام ..
الناس تقرا اذكار المسلم قبل تنام !! .. منيره لا .. تحصّن نفسها بقراية اخر وصفة طبيه اعطاها الدكتور ..
المشكله هي في اتم الصحه والعافيه ..وربي يطول بعمرها ويرزقها الصحه
لكن الله يهديها تهوجس ليل ونهار .. واذا دكتور قال لها انتي كويسه مافيك شي .. خلاص هالدكتور ذا تعتبره طبيب بيطري وتوه جاي من كفر المعيزز في دمنهور .. ومزور الشهاده .. وتقعد تتحسب على وزارة الصحه ووزارة البرق والبريد والهاتف بعد اللي سمحوا له يزاول هالمهنه ..
طبعا انا بما اني اصغر فلذات كبدها .. فلازم اكون معها في كل زيارة للمستشفى ..
تخيلوا مره طلبت ملفها .. جابوه لي بعربيه ويدفونه اثنين
وربي رحمتهم
قعدت ااشر باصابعي على ملفها وهو وسط العربيه وانا اقول " ياقلبوووسي ياناس يزنن يزنن "
باقي بس شوي وااذن في اذنه اليسار
من فرحتي بشوفته
المهم ماعلينا ..
في الخامس من تموز الماضي ..
رحت معها احد مواعيدها التاريخيه .. وتعالتفرج على نفسيتها الزينه وانا موديها المستشفى. تناديني " ياحبيبي " !! .. الله اكبر يامنيره وين راحت ايام ماكنتي تقولين لي " انت الفاشل الوحيد في عيالي .. انت النقطه السودا في شجرة عائلتنا " .. انت المفروض اسمك يكون في دفتر عايله ثاني غير دفتر عايلتنا ومكتوب قدام صلة القرابه " غلطة عمري "
المهم ماعلينا .. الدنيا هذي من عرفناها كلها مصاالح
رحت مستشفى المشاري ..
وتعرفون الواحد اول مايدخل مستشفى يجيك البراد .. عاد بهالصيف اللي عندنا ياعيني على الشعور
امي اول ماتداعبها هالنسمه البارده حقة المستشفى تقول " يلوموني فيك يابن اللذينا "
وصل الموضوع لمراهقه متاخره يامامي
المهم تروح امي لصالة انتظر النساء
ولا اسمع الا
هلااااااا والله منايررررررر وينتس يالقاطعه يومين ولاشفناتس امووااح مموواااااااح"
خفت انتس يامنيره ماشفتي الرساله اللي ارسلتها لتس
انه جايهم دكتور جديد وودنا نشوف وشو من دكتور
لا ياويختي من قريتها وانا مزهبه عمري من الليل
ادري وقتها انها لقت شلة الانس الصحيه حقتها
<<<ضحية دكتور جديد لازم يشوفون وشو من دكتور
اخذت حالي ورحت للريسبشن ..
وياليتني مارحت
لقيت سوريه داقه الفل ميك اب ومنزله قصتين من شعرها فوق عيونها
ومميلة راسها على جنب وتعض شفتها من باب الدلع
قلت لها " مساء الخير باب الحاره "
ردت بنعومه مصطنعه " مساء النور خيو .. شلون اقدر اخدمك "
قلت بصوت منخفض : خيو .. و بعدها.. شلون !!
مهيب عاقله بنت حلب فرع الدرعيه
قالت شو ئلت لامؤاخزيه ؟؟
لا ولاشي .. ياليت تشوفين لنا موعد مع دكتوربشار
تبع النساء والولاده !!
ايه
الموعد لمين !!
لي ..
ههههه شو مهضوم ..
بطلت ياليت تخلين الموعد مع طبيب الاسنان بعد مشهد ضروسك اللي شفتها
شو ئصدك !!
مااقصدي شي خلصينا يرحم ابو الفتوش اللي جابك
قامت تطقطق اصابعها عالكمبيوتر بقوه
علشان تضبط لي الموعد
طولت وهي تطقطق
قلت لها " فتح معك قوقل ايرث ؟ ..
قلت لك ابي موعد يافتوش هانم .. ماابي اخترق منتدى حواء "
قامت تطقطق بقوه عالكيبورد وهي تاشر باصابعها لي انه انتظر شوي
بعد ربع ساعه الا صمخت الانتر بعنف وقالت " اهه ..خلصنا ياسيدي "
قالت خلاص .. انتزر في صالة الانتزار تينادوا عليك
الف شكر يا فتاة الغلاف على هالطعجه
وينه الاغا عنك مااخذك بكاس العالم
المهم ..
رحت للماما ابي ازف لها خبر انه عند دكتور بشار
وقفت قبل باب انتظار النساء وبانادي الماما
ياام مليونير
مامداني اكمل النداء الالي
الا جايه امي " بشر !!!! عند الدكتور الجديد"
" ايه ابشرك عنده عند بشار
وقاعد يطقطق اصابعه
ويشم ورده على دريشة عيادته يقول " متى تجي منو "
مشينا يالله
وكالعاده دخلنا للدكتور ومسكت زمام المبادره بوصف الحاله والدكتور ساكت كلام يعرفه وكلام مايعرفه
احس الدكتور كذا
وكالعاده
وطلعنا بملف كامل من وصفات طبيه واشعه وتحاليل واتوقع بتفوز بدرع ااصدقاء المرضى وعضويه الزماله الكنديه بمراجعه المستشفيات
واحنا طالعين لازم العباره المشهورة
(ياوليدي هالدكتور والله انه مايفهم شي ابد
انا اعرف الدكتور من اول زياره)
لكن خل نروح نسجل موعد جديد عند دكتور ثاني ....
ومازال المسلسل مستمر !!!
وهي ولله الحمد ماتشتكي من شي لكن اعتقد انه احساس عند اكثر النساء بعمرها
لازم زياره متكرره للمستشفيات ؟؟؟؟
الخلاصه :
هل فعلا النساء بهالعمر يمرون بنفس هالحاله ويهوجسون .. ولا انا بس اعاني
|
جميع الآراء والمشاركات والرسائل والردود المنشوره تمثل وجهة نظر كاتبها فقط ، ولا تمثل بأي حال من الأحوال وجهة نظر المجموعة وإدارتها |
|
|
موتن ضحك
<3
مسيووو مليونير
والموضوع بشكل عام احسه موجود عند اكثر كبار السن
وبعيد عن انه اكتبه باسلوب فكاهي او لالا مثل ماتعودتم
بس جد احنا نخاف عليها من كثر الاشعه اللي تسويها
....
والله يطول بعمرها وتبقى تاج فوق روسنا لو تبي بدل الدكتور الف ولو تبي بدل المستشفى عشرين
بالعكس برد وسلام على قلوبنا
17/7/2010 (07:14 PM)
donga
سلمت الانامل17/7/2010 (02:58 PM)
هههههههه
الله يسعدك17/7/2010 (11:46 AM)
روح المعاني
بس الله يعين
هذي حلوة اللبن17/7/2010 (07:58 AM)
k99
عندنا وعندك خير17/7/2010 (07:23 AM)
الله يعــينك ..
وأتكلم معك بجد .. اعرضها علي شيخ ولا شيء خله يقرأ عليها .. أو طبيب نفسي16/7/2010 (11:27 PM)
خخخخخخ
مدونتي
http://s***.com/16/7/2010 (10:33 PM)